ᐱᓕᕆᐊᒃᓴᐃᓪᓗ ᑮᓇᐅᔭᒃᓴᓂᒃᑕᐅᓂᖏᓪᓗ

ᐊᔾᔨᓕᐊᖓ ᐊᑐᐊᑦ ᓱᑕᐃᔅ

ᑮᓇᐅᔭᒃᓴᓂᒃᑕᐅᓯᒪᔪᑦ ᐱᓕᕆᐊᒃᓴᐃᑦ

ᑕᒪᐃᓐᓂᑦᑎᐊᖅ ᑐᕌᒐᖃᕐᒪᑕ ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦ ᐱᔾᔪᑎᖃᖅᑐᑦ ᐱᕕᒃᓴᖃᖁᔨᖃᑦᑕᕐᓂᖅ ᑲᑎᖅᓱᖅᑕᐅᔪᓐᓇᕐᓂᖏᓐᓂᒃ, ᖃᐅᔨᓴᖅᑕᐅᔪᓐᓇᕐᓂᖏᓐᓂᒃ ᐊᒻᒪᓗ ᐊᐃᑦᑐᖅᑕᐅᔪᓐᓇᖅᓯᔪᒫᖅᑐᓂᒃ ᖃᐅᔨᒪᔾᔪᑎᒃᓴᕈᕐᓂᐊᖅᑐᓂᒃ ᐱᔾᔪᑎᖃᖅᑐᓂᒃ ᖃᓄᐃᓕᖓᓂᖏᓐᓂᒃ ᐊᒻᒪᓗ ᖃᓄᐃᖏᑦᑐᓐᓇᕐᓂᖏᓐᓂᒃ ᐊᕙᑎᒥᐅᓪᓗ ᐆᒪᔪᐃᓪᓗ ᐱᐅᓯᑐᖃᖏᓪᓗ ᑕᒪᑯᐊ ᐊᒻᒪᓗ ᐃᓅᖃᑎᒋᒃᑐᓂ ᐃᓅᔾᔪᑎᒃᓴᕆᔭᐅᕙᒃᑐᑦ ᐊᕙᑎᒥᐅᑕᖏᑦ ᓄᓇᕗᒻᒥ ᓄᓇᑖᕐᕕᐅᓯᒪᔪᓂ.

ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦ ᑮᓇᐅᔭᒃᓴᓂᒃᓯᔪᓐᓇᕐᒪᑕ ᐱᓕᕆᐊᒃᓴᓂᒃ ᑕᒪᒃᑯᓂᖓ ᐱᔾᔪᑎᒃᓴᖃᖅᑐᓂᒃ ᑐᓂᔭᐅᖃᑦᑕᖅᓱᑎᒃ ᐱᓕᕆᐊᖑᔪᒪᔪᓂᒃ ᑐᒃᓯᕋᐅᑎᓂᒃ ᑎᑎᖃᒃᑯᑦ. ᑕᐃᒪᓐᓇ, ᓇᐅᑦᑎᖅᑐᐃᔨᒃᑯᑦ ᐃᑲᔪᖅᑎᐅᖃᑕᐅᕙᖕᒪᑕ ᐱᑕᖃᓕᖅᑎᑦᑎᖃᑕᐅᔪᓐᓇᕐᓂᖅ ᑐᑭᓯᓂᕐᕕᒃᓴᐅᖃᑦᑕᕐᓂᐊᖅᑐᓂᒃ ᐊᒻᒪᓗ ᑲᔪᓰᓐᓇᖅᑐᒥᒃ ᑲᑎᖅᓱᖅᑕᐅᓂᖏᓐᓂᒃ ᖃᐅᔨᒪᔾᔪᑎᒃᓴᐅᓕᕈᒫᖅᑐᑦ ᓇᐅᑦᑎᖅᑐᐃᔾᔪᑎᒃᓴᐅᓂᕐᒧᑦ ᐊᑐᕈᓐᓇᕐᓂᐊᖅᑐᓂᒃ ᐊᕙᑎᒥᒃ ᐊᓯᔾᔨᖅᐸᓪᓕᐊᔪᓂᒃ ᓄᓇᕗᒻᒥ ᐊᑯᓂ.

ᑮᓇᐅᔭᒃᓴᓂᒡᕕᐅᔪᓐᓇᖃᑕᕐᓂᖏᑦ

ᐱᓕᕆᐊᒃᓴᖃᕈᒪᓂᕐᒧᑦ ᑐᒃᓯᕋᐅᑎᓕᐊᑦ ᑐᓂᔭᐅᖃᑕᕐᒪᑦ ᐊᐅᓚᑦᑎᔩᑦ ᑲᑎᒪᔨᕋᓛᖏᓐᓄᑦ ᕿᒥᕐᕈᐊᖅᑕᐅᓂᐊᕐᒪᑕ. ᐊᐅᓚᑦᑎᔨᐅᓂᕐᒧᑦ ᑲᑎᒪᔨᕋᓛᑦ ᕿᒥᕐᕈᐊᖃᑦᑕᖅᑐᑦ ᑕᒪᐃᓐᓂᒃ ᐊᑐᓂ ᑐᒃᓯᕋᐅᑎᓕᐊᕆᔭᐅᓯᒪᔪᓂᒃ ᐱᔾᔪᑎᒃᓴᖃᑦᑎᐊᕐᒪᖔᑖ ᖃᐅᔨᓴᖅᑕᐅᓗᑎᒃ, ᑐᑭᓕᐅᕈᑕᐅᓲᖑᓪᓗᑎᒡᓗ ᑮᓇᐅᔭᒃᓴᓂᒃᑕᐅᓇᔭᕐᓂᖏᑦ. ᐊᕐᕋᒍᑕᒫᖅ ᓴᓂᕐᕙᐃᕙᒃᑐᑦ ᑮᓇᐅᔭᓂᒃ, ᒪᓕᒃᑕᐅᓪᓗᑎᒃ ᐊᒥᓱᑦ ᐊᔾᔨᒋᖏᑦᑑᑎᐅᔪᑦ ᐱᔾᔪᑕᐅᔪᑦ ᐊᒻᒪᓗ ᐊᑐᐃᓐᓇᐅᑎᑕᐅᕙᒃᓱᑎᒃ ᐱᓕᕆᐊᒃᓴᐃᑦ ᐃᑲᔪᖅᓱᖅᑕᐅᓯᒪᓂᖏᓐᓂᒃ ᓇᐅᑦᑎᖅᑐᖅᑕᐅᖁᔭᐅᔪᑦ ᐊᒻᒪᓗ ᓄᓇᓕᖕᒥᐅᑕᓄᑦ ᐊᔪᕈᓃᕈᑕᐅᔪᓇᕐᓂᖏᓂ ᐊᑐᕈᓐᓇᖅᑐᓂᒃ ᓇᐅᑦᑎᖅᑐᖅᑕᐅᕙᒃᑐᓂᒃ ᐸᕐᓇᐅᑎᑎᒍᑦ ᓯᕗᓪᓕᐅᑎᑕᐅᔪᓂᒃ, ᑐᕌᒐᕆᔭᐅᔪᓂᒃ, ᖃᓄᐃᓕᐅᖅᑎᓪᓗᐊᑕᐅᓂᖏᓐᓂᒃ ᐊᒻᒪᓗ ᐱᒻᒪᕆᐅᔪᓂᒃ ᐱᓕᕆᐊᕆᕙᒃᑕᖏᓐᓂᒃ ᒪᓕᑦᑎᐊᖅᐸᑕᑦ.

ᐃᓚᐅᔪᓐᓇᖅᑐᑦ ᐃᓚᖃᕈᓐᓇᖅᑐᑦ ᓄᓇᓕᖕᓂᒃ ᐅᕝᕙᓗᓐᓃᑦ ᓄᓇᓕᖕᒥᐅᑕᓂᒃ, ᐃᓄᐃᑦ ᑲᑐᔾᔨᖃᑎᒋᖏᓐᓂᒃ, ᐃᓕᓐᓂᐊᕐᕕᒡᔪᐊᖑᓂᖅᐸᖑᔪᓂᒃ, ᓄᓇᕗᒻᒥ ᑎᒥᖁᑎᒋᔭᐅᓕᖅᑐᓂᒃ ᓄᓇᑖᕈᑎᒥᒍᑦ ᐱᓐᖑᖅᑎᑕᐅᓯᒪᔪᓂᒃ, ᓄᓇᕗᑦ ᒐᕙᒪᐃᑦ ᐱᓕᕆᕕᖁᑎᖏᓐᓄᑦ ᐊᒻᒪᓗ ᑎᒥᖁᑎᖏᓐᓄᑦ, ᐊᒻᒪᓗ ᒐᕙᒪᐅᖏᑦᑐᓄᑦ ᑎᒥᖁᑎᒋᔭᐅᔪᓄᑦ. ᑮᓇᐅᔭᓕᐅᖅᑎᐅᕙᖏᑦᑐᑦ ᑎᒥᖁᑎᒋᔭᐅᔪᑦ ᓲᕐᓗ ᑐᑭᓯᓂᐊᖅᑎᐅᓂᕐᒧᑦ ᐱᓕᕆᕕᐅᔪᑦ, ᐅᕝᕙᓗᓐᓃᑦ ᐊᖏᔫᑎᓂᒃ ᓴᓈᖃᖅᑐᑦ, ᐊᒻᒪᓗ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐃᖃᓇᐃᔭᕐᕕᐅᔪᑦ ᐊᒻᒪᓗ ᑎᒥᖁᑎᖏᑦ ᐃᓚᐅᔪᓐᓇᖃᑦᑕᖅᑐᑦ ᑭᓯᐊᓂ ᑮᓇᐅᔭᒃᓴᓂᒃᑕᐅᔪᓐᓇᕐᓂᕐᒧᑦ ᐃᓚᒋᔭᐅᔪᓐᓇᕐᓂᕐᒧᑦ ᑭᓯᐊᓂ ᐊᓯᖏᓐᓄᑦ ᐊᔪᖏᓐᓂᖃᖅᑎᑕᐅᔪᓄᑦ ᑲᑐᔾᔨᖃᑎᒋᖕᓄᑦ, ᖁᓛᓂ ᐅᖃᐅᓯᐅᔪᑦ ᒪᓕᒃᑕᐅᓗᑎᒃ. ᐱᒋᐊᖅᑎᑕᐅᔪᒪᔪᑦ ᐱᓕᕆᐊᒃᓴᐃᑦ ᑲᔪᓯᑎᑕᐅᓯᒪᔭᕆᐊᖃᖅᑐᑦ ᐊᖏᖅᑕᐅᓯᒪᔪᓄᑦ ᑭᓯᐊᓂ ᐃᓚᐅᔪᓐᓇᖅᑐᓄᑦ, ᑮᓇᐅᔭᒃᓴᓂᒃᑕᐅᔪᓐᓇᕐᓂᐊᕈᑎᒃ ᑕᒪᐃᓐᓂᒃ ᓄᓇᕗᒻᒥ ᓇᐅᑦᑎᖅᑐᐃᓂᕐᒧᑦ ᐸᕐᓇᐅᑎᓄᑦ.

ᑐᑭᓯᒋᐊᑦᑎᐊᒃᑲᓐᓂᕈᒪᒍᕕᑦ, ᐊᑏᑐᖅ ᐅᖃᕐᕕᐅᓂᐊᖅᐳᑦ ᐅᑯᐊ ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑎᓕᕆᔨᒃᑯᖏᑦ ᐱᔪᒪᒍᕕᑦ ᐊᔾᔨᖏᓐᓂᒃ ᒫᓐᓇᐅᔪᖅ ᐱᓕᕆᐊᒃᓴᓂᒃ ᑐᒃᓯᕋᐅᑎᓕᐅᕈᒪᓂᕐᒧᑦ ᒪᓕᒐᒃᓴᓂᒃ.

ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦ ᐱᒋᐊᖅᑎᑕᐅᓯᒪᔪᑦ

ᓴᓂᐊᓂᒃ ᐱᓕᕆᐊᖃᕐᓂᕐᖅ ᑕᒪᐃᓐᓂᒃ ᓇᐅᑦᑎᖅᑐᐃᕙᓪᓕᐊᖃᑦᑕᓂᕐᒥᒃ ᐱᓕᕆᐊᒃᓴᓂᒃ ᑐᓂᔭᐅᖃᑦᑕᖅᓱᑎᒃ ᑐᓂᕐᕈᓯᐊᓂᕐᒥᒃ ᐱᓕᕆᔾᔪᑎᒃᓴᖏᓐᓄᑦ ᐊᒻᒪᓗ ᐃᑲᔫᓯᐊᖅᑖᕆᔭᐅᕙᒃᑐᓂᒃ ᐱᓕᕆᐊᖃᕈᑎᖏᓐᓄᑦ, ᓄᓇᕗᒻᒥ ᓇᐅᑦᑎᖅᑐᐃᔩᑦ ᐱᓕᕆᕕᖓᓐᓂᑦᑕᐅᖅ ᑮᓇᐅᔭᒃᓴᖃᖅᑎᑦᑎᓲᖒᖕᒥᔪᑦ ᐃᓚᖏᓐᓄᑦ ᐃᓗᐊᓂ ᐊᐅᓚᑦᑎᓂᖏᓐᓂᒃ ᐊᒻᒪᓗ ᐋᖀᐅᒪᑎᑦᑎᓂᖏᓐᓂᒃ ᑮᓇᐅᔭᓂᒃ, ᐊᒻᒪᓗ ᐊᓯᖏᓐᓂᖔᖅᑐᓂᒃ ᓇᐅᑦᑐᖅᑐᐃᔨᐅᖃᑕᐅᕙᒃᑐᓂᒃ ᑎᒥᖁᑎᒋᔭᐅᔪᓂᒃ, ᐊᔪᕐᓇᖏᑐᐊᕌᖓᑦ, ᑕᒪᐃᓐᓂᒃ ᓇᐅᑦᑎᖅᑐᐃᕙᓪᓕᐊᖃᑦᑕᐃᓐᓇᕆᐊᖃᖅᑐᓂᒃ ᐱᓕᕆᐊᖃᕐᓂᐊᖅᑐᓂᒃ, ᓇᐅᒃᑯᑐᐃᓐᓇᖅ ᖃᐅᔨᒪᔭᐅᖏᓗᐊᖅᑐᖃᕐᓂᖏᓐᓂᒃ ᖃᐅᔨᔭᐅᖁᔭᐅᔪᓂᒃ. ᑕᒪᒃᑯᐊ ᑕᐃᔭᐅᕙᒃᑐᑦ ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦ ᐱᒋᐊᖅᑎᑕᐅᓯᒪᔪᓂᒃ, ᑖᒃᑯᐊ ᐱᓕᕆᕕᖓᓂ ᓯᕗᓕᐅᖅᑎᐅᕙᒃᓱᑎᒃ ᐊᐅᓚᑦᑎᔨᐅᓂᕐᒥᒃ ᐱᓕᕆᐊᒃᓴᓂᒃ, ᑐᑭᓕᐅᖃᑎᒋᕙᒃᓱᓂᒋᑦ ᑕᐱᕆᓕᖅᑕᖏᑦ ᑲᑐᔾᔨᖃᑎᒋᖑᔪᑦ.

ᖃᒪᓂ’ᑐᐊᕐᒥ ᐃᒪᖁᑎᖏᓐᓂ ᐱᕙᓪᓕᐊᔪᓂᒃ ᐊᒃᑐᖅᑕᐅᓯᒪᓂᖏᓂᒃ ᓇᐅᑦᑎᖅᑐᐃᓂᕐᒧᑦ ᐱᓕᕆᐊᖑᔪᑦ (ᐱᒋᐊᖄᓚᐅᖅᓯᒪᔪᑦ 2014−ᒥᒃ ᑲᔪᓯᔪᑦ ᓱᓕ)

ᑖᒃᑯᐊ ᑰᖁᑎᖏᓐᓂᒃ ᓇᐅᑦᑎᖅᑐᐃᓂᖏᑦ ᖃᒪᓂ'ᑐᐊᕐᒥ ᐃᒪᖃᕐᕕᐅᓂᖏᓐᓂᒃ ᑲᑐᔾᔨᖃᑎᒋᒍᑕᐅᔪᖅ ᓇᐅᑦᑎᖅᑐᐃᔩᑦ ᐸᕐᓇᐃᔨᖏᓄᑦ ᐊᒻᒪᓗ ᓄᓇᖃᖄᖅᑐᓕᕆᔨᒃᑯᑦ ᐅᑭᐅᖅᑕᖅᑐᒥ ᐱᕙᓪᓕᐊᔪᓕᕆᔨᖏᓐᓂᑦ (ᐃᓄᓕᕆᑐᖃᒃᑯᓐᓂᒃ) ᓄᓇᕗᒻᒥ ᐃᒪᓕᕆᔨᐅᓂᖏᓐᓂᒃ ᐱᓕᕆᕕᖕᒥᒃ ᐊᒻᒪᓗ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒋᖏᓐᓂᒃ. ᑖᒃᑯᐊ ᐱᒋᐊᖅᑎᑕᐅᓚᐅᖅᑐᑦ 2014−ᒥ, ᑐᕌᒐᖃᖅᑐᑦ ᓴᕿᑎᑦᑎᔪᒪᓂᖅ ᑰᒡᕕᐊᕙᒃᑐᒡᒍᑎᐅᔪᓂᒃ ᐊᐅᓚᑦᑎᓂᕐᒧᑦ ᖃᓄᐃᓕᐅᕈᑎᒃᓴᖃᕈᒪᓂᖅ. ᑕᒪᒃᑯᐊ ᖃᓄᐃᓕᐅᕈᑎᒃᓴᖏᑦ ᐱᓕᕆᐊᖑᓂᐊᖅᑐᑦ ᓴᕿᑎᑦᑎᓗᑎᒃ ᐊᑯᓂᐅᓂᐊᖅᑐᒧᑦ ᖃᐅᔨᓴᕈᑎᒃᓴᓂᒃ ᐃᓕᑕᕆᔭᐅᔪᓐᓇᕐᓂᐊᕐᓗᑎᒃ ᐱᕙᓪᓕᐊᔪᓂᒃ ᐊᒃᑐᖅᑕᐅᓯᒪᓂᖏᑦ ᐊᒻᒪᓗ ᑐᑭᓯᔭᐅᓗᑎᒃ ᖃᓄᖅ ᐊᒃᑐᖅᑕᐅᓗᐊᖅᑕᐃᓕᒪᖔᕈᓐᓇᕐᒪᖔᑖ ᐊᒃᑐᖅᑕᐅᕙᓪᓕᐊᓂᖏᑦ ᐱᕙᓪᓕᐊᔪᖃᖅᐸᓪᓕᐊᓂᖏᓐᓄᒃ ᐊᕕᒃᑐᖅᓯᒪᓂᖏᓐᓂ. ᑐᖓᕕᒃᓴᓂᒃ ᐊᒻᒪᓗ ᓯᕗᓪᓕᖅᐸᖑᓂᐊᖅᑐᓂᒃ ᐱᓕᕆᐊᖃᕋᔭᖅᑐᑦ ᐊᕕᒃᑐᖅᓯᒪᓂᖏᓐᓂ ᑰᖃᕐᕕᐅᔪᓂᒃ ᐃᒪᑦᑎᐊᕙᐅᔪᖃᕐᓂᖏᓐᓂᒃ ᓇᐅᑦᑎᖅᑐᐃᕙᓪᓕᐊᔾᔪᑎᒃᓴᖏᑦ ᐱᓕᕆᐊᖑᓚᐅᖅᑐᑦ 2013−ᒥ. ᐱᓕᕆᐊᖑᕙᓪᓕᐊᓂᖏᓐᓂ ᓯᕗᓪᓕᖅᐹᖅᓯᐅᑎᒃᓴᐃᑦ ᑐᕌᖓᓂᐊᖅᑐᑦ ᐱᒋᐊᓕᓵᖅᑎᑕᐅᓂᖏᓂᒃ ᐊᒻᒪ ᐊᐅᓚᑕᐅᓂᖏᓐᓂᒃ ᓇᐅᑦᑎᖅᑐᐃᔾᔪᑎᒃᓴᐃᑦ ᐊᑐᕐᓗᑎᒃ ᑕᒪᐃᓐᓂᒃ ᒫᓐᓇᐅᓕᖅᑐᖅ ᖃᓪᓗᓈᓄᑦ ᖃᐅᔨᓴᖅᑎᓄᑦ ᖃᐅᔨᒪᔭᐅᓂᖏᑦ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᑕᐅᕙᓂ.

ᖃᒪᓂ'ᑐᐊᕐᒥ ᐃᒪᓕᕆᓂᕐᒧᑦ ᓇᓗᓇᐃᒃᑯᑕᒃᓴᓕᕆᔾᔪᑎᓂᒃ ᐃᓕᓐᓂᐊᖅᑎᑕᐅᓚᐅᖅᑐᑦ ᑲᑎᒪᔨᓪᓗᑎᒃ, ᓯᑎᐱᕆ 2014−ᒥ, ᐊᒻᒪᓗ ᐃᓚᖃᓚᐅᖅᓱᑎᒃ ᐊᒥᓱᓂᒃ ᖃᒪᓂ'ᑐᐊᕐᒥᐅᑕᐅᔪᓂᒃ, ᐃᓱᒪᒋᔭᐅᓪᓗᑎᒃ ᖃᓗᓈᓄᑦ ᖃᐅᔨᓴᖅᑕᐅᓯᒪᓂᖏᑦ ᑕᐃᒃᑯᓂᖓ ᓇᐅᑦᑎᖅᑐᖅᑕᐅᕙᓪᓕᐊᓂᐊᖅᑐᓂ. ᐃᓱᒪᒋᔭᐅᓂᐊᕐᒥᔪᑦ ᖃᓄᐃᓕᐅᕈᑕᐅᔪᓐᓇᕐᓂᖏᑦ ᐃᓄᐃᑦ ᖃᐅᔨᒪᔭᑐᖃᖏᑦ ᐃᒪᓕᕆᓂᕐᒧᑦ ᖃᐅᔨᓴᕈᑎᓂᒃ, ᐅᖃᐅᓯᐅᔪᒫᖅᓱᑎᒡᓗ ᑭᖑᓂᐊᒍᑦ ᑲᑎᒪᓗᑎᒃ ᐃᓕᓂᐊᖅᑎᑕᐅᓂᐊᖅᑐᓂᒃ.

ᑭᖑᓂᐊᒍᑦ ᖃᒪᓂ'ᑐᐊᕐᒥ ᐃᒪᓕᕆᓂᕐᒧᑦ ᓇᓗᓇᐃᒃᑯᑕᒃᓴᐃᑦ ᐃᓕᓐᐊᓂᕈᑎᖏᓐᓂᒃ ᓯᑎᐱᕆ 2014−ᒥ, ᑕᐅᑐᒃᑕᐅᓂᐊᕐᒥᔪᑦ ᐱᓕᕆᒃᓴᐃᑦ 2015-16−ᒥᓗ ᐱᕙᓪᓕᐊᑎᑦᑎᔪᒪᓂᖅ ᐃᓄᖕᓄᑦ ᖃᐅᔨᒪᔭᑐᖃᖏᓐᓂᒃ ᐊᑐᒐᒃᓴᐅᖃᑕᐅᓂᐊᕐᒥᔪᓂᒃ, ᓄᓇᓕᖕᒥᐅᑕᓂᒃ ᑐᑭᓯᓂᐊᕐᕕᖃᕐᓗᑎᒡᓗ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐃᓕᓐᓂᐊᖅᑎᑦᑎᓗᑎᒃ 2016−ᒥ.

ᐊᕕᒃᑐᖅᓯᒪᓂᖏᓐᓂ ᐃᓅᖃᑎᒌᒃᑐᓄᑦ−ᐃᓅᔾᔪᑎᒃᓴᓂᒃ ᓇᐅᑦᑎᖅᑐᐃᓂᕐᒧᑦ ᑲᑎᒪᔨᕋᓛᑦ StatPlanet−ᑯᑎᒍᑦ ᖃᐅᔨᒪᓂᐊᕐᕕᒃᓴᐃᑦ ᓄᓇᖑᐊᓕᐊᖏᑦ (ᐱᒋᐊᓚᐅᖅᑐᑦ 2013−ᒥᑦ ᐱᔭᕇᖅᓱᑎᒃ 2015−ᒥ

ᐊᕕᒃᑐᖅᓯᒪᓂᖏᓐᓂ ᐃᓅᖃᑎᒌᒃᑐᓄᑦ−ᐃᓅᔾᓕᔪᑎᒃᓴᕆᔭᐅᕙᒃᑐᓂᒃ ᓇᐅᑦᑎᖅᑐᐃᓂᕐᒧᑦ ᑲᑎᒪᖦᕋᓛᑦ ᓴᕿᑎᑕᐅᓚᐅᖅᑐᑦ ᑕᒪᐃᓐᓄᑦ ᓄᓇᕗᑦ ᒐᕙᒪᒃᑯᖏᓐᓂᒃ ᐃᓅᔾᔪᑎᒃᓴᓕᕆᓂᕐᒧᑦ/ᑮᓇᐅᔭᓕᐅᕐᕕᐅᔪᓐᓇᕐᓂᖏᓐᓄᓪᓗ ᐱᕙᓪᓕᐊᔪᓕᕆᔨᒃᑯᑦ ᐊᒻᒪᓗ ᐃᖏᕐᕋᔪᓕᕆᔨᒃᑯᑦ ᐊᒻᒪᓗ ᖃᓄᐃᓕᐅᕈᑕᐅᖁᓪᓗᒋ ᐱᕙᓪᓕᐊᕝᕕᐅᑐᐃᓐᓇᓕᕐᓂᖏᓐᓂᑦ ᐊᒨᖃᐃᕙᓪᓕᐊᕙᒃᑐᓂᒃ ᓄᓇᕗᒻᒥ ᓄᓇᖏᓐᓂ ᐃᒪᕐᒥᒡᓗᓐᓂᑦ. ᑲᑎᒪᔨᕋᓛᖑᔪᑦ ᐊᑐᓂ ᓄᓇᕗᑦ ᐱᖓᓱᓂᒃ ᐊᕕᒃᑐᖅᓯᒪᓂᖏᓐᓂ: ᕿᑭᖅᑕᓂ, ᑭᕙᓪᓕᕐᒥ, ᐊᒻᒪᓗ ᕿᑎᖅᒥᐅᓂ. ᑲᑎᒪᔨᕋᓛᖏᑦ ᑖᒃᑯᐊ ᑎᔭᐅᓯᒪᒧᑦ ᓇᐅᑦᑎᖅᑐᐃᔨᐅᓂᕐᒥᒃ ᐃᓄᖕᓄᑦ−ᐃᓅᔾᔪᑎᒃᓴᕆᔭᐅᕙᖕᓂᖏᓐᓂᒃ ᐱᒻᒪᕆᐅᔪᓂᒃ ᓄᓇᖏᓐᓂᒃ ᐱᕙᓪᓕᐊᑎᑦᑎᓂᖏᓐᓂᒃ ᐊᒻᒪᓗ ᑕᒪᐃᓐᓂᒃ ᐃᓄᖕᓄᑦ−ᐃᓄᔾᔪᑎᒃᓴᕆᔭᐅᕙᒃᑐᓂᒃ ᖃᓄᐃᕙᓪᓕᐊᓂᖏᓐᓂᒃ ᐊᒻᒪᓗ ᓇᓗᓇᐃᒃᑯᑕᕆᔭᐅᓂᖏᓐᓂᒃ ᑕᒪᐃᓐᓂ ᐊᑐᓂ ᐊᕕᒃᑐᖅᓯᒪᓂᖏᓐᓂ.  ᐱᓕᕆᐊᖑᓂᖏᓐᓂ ᑕᒪᒃᑯᐊ ᐱᑕᖃᖅᑎᑦᑎᔭᕆᐊᖃᕐᓂᐊᖅᑐᑦ ᓄᑖᑦᑎᐊᓂᒃ ᖃᐅᔨᒪᔾᔪᑎᒃᓴᓂᒃ ᑐᖓᕕᐅᔪᓐᓇᑦᑎᐊᕐᓂᐊᖅᑐᓂᒃ, ᓇᓗᓇᐃᒃᑯᑕᕆᔭᐅᕙᖕᓂᐊᖅᑐᓂᒃ ᐊᒻᒪᓗ ᑕᒪᒃᑭᖅᑐᓂᒃ ᓄᓇᖑᐊᖃᕐᓗᑎᒃ/ᖃᐅᔨᓂᐊᕐᕕᖃᓕᕐᓗᑎᒡᓗ ᐊᑐᒐᒃᓴᐅᓂᐊᖅᑐᓂᒃ.  

ᐱᒋᐊᓚᐅᖅᑐᑦ ᐊᒃᑑᐱᕆ 2013−ᒥ, ᓄᓇᕗᒻᒥ ᑕᒪᐃᓐᓂᒃ ᖃᐅᔨᓴᕈᑎᓄᑦ ᐸᕐᓇᐅᑏᑦ ᓯᕗᓕᐅᖅᑎᐅᓚᐅᖅᑐᑦ ᐱᕙᓪᓕᐊᑎᑦᑎᓂᖅ ᑕᒪᐃᓐᓄᒃ ᑭᓇᒃᑯᑐᐃᓐᓇᕐᓄᑦ ᐊᑐᖅᑕᐅᔪᓐᓇᖅᑐᓂᒃ ᐊᑐᒐᒃᓴᓕᐅᖅᓱᑎᒃ ᐊᑐᐃᓐᓇᐅᓕᖅᑐᓂᒃ ᑕᐃᑲᓂ ᐊᕕᒃᑐᖅᓯᒪᔪᓄᑦ ᐃᓄᖕᓄᑦ−ᐃᓅᔾᔪᑎᒃᓴᕆᔭᐅᕙᒃᑐᑦ ᓇᐅᑦᑎᖅᑐᐃᔨᖏᓐᓄᑦ ᑲᑎᒪᕌᓛᑦ SEMC−ᑯᑦ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᖓᓂ SEMC website. ᐱᓕᕆᐊᒃᓴᓂᒃ ᓴᕿᑎᓐᓂᐊᖅᑕᖏᑦ ᐱᔪᓐᓇᐅᑕᐅᖃᑦᑕᕐᓂᐊᖅᑐᑦ ᐊᔾᔨᒋᒍᓐᓃᖅᐸᓪᓕᐊᓂᖏᓐᓂᒃ ᑕᑯᔪᓐᓇᖃᑦᑕᕐᓂᖅ ᐃᓄᖕᓄᑦ−ᐃᓅᔾᔪᑎᒃᓴᕆᔭᐅᕙᖕᓂᕐᒧᑦ ᐱᒻᒪᕆᐅᓂᖃᖅᑎᑕᐅᔪᓂᒃ ᐃᓚᒋᔭᐅᔪᓂᒃ ᐊᑐᖅᓱᑎᒃ ᖃᐅᔨᒪᔾᔪᑎᒃᓴᓕᐊᒥᓂᒃ ᐃᓄᓕᒫᓂᖔᖅᓯᒪᓂᐊᖅᑐᓂᒃ. ᑖᒃᑯᐊᑦᑕᐅᖅ ᐱᓕᕆᐊᕆᔭᖏᓐᓂᒃ ᐱᔭᕇᓚᐅᖅᑐᑦ ᒪᐃ 2015−ᒥ ᑕᐃᒃᑯᐊᓗ ᓄᓇᕗᒻᒥ ᓇᓴᖅᑕᐅᓯᒪᔪᓕᕆᔨᒃᑯᑦ ᐱᓕᕆᕕᖓᑦ ᑲᒪᔨᐅᓪᓗᐊᑕᓕᖅᓱᑎᒃ ᐋᕿᐅᒪᓂᖏᓐᓄᑦ ᐊᒻᒪ ᓄᑖᕈᕆᐊᖅᑕᐅᔪᓐᓇᕐᓂᖏᓐᓄᑦ, ᐃᑲᔪᖅᓱᖅᑕᐅᖏᓐᓇᕐᓂᐊᖅᓱᑎᒃ ᑕᒪᐃᓐᓂᒃ ᓄᓇᕗᒻᒥ ᓇᐅᑦᑎᖅᑐᐃᕙᓪᓕᐊᖏᓐᓇᕆᐊᖃᖅᑐᓂᒃ ᐸᕐᓇᐃᔨᒃᑯᑦ ᓄᓇᖑᓕᐊᕆᔨᐅᓂᕐᒧᑦ ᐃᑲᔪᖅᑎᒋᔭᐅᓗᑎᒃ.

ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: