ᖃᕋᓴᐅᔭᒃᑯᑦ ᒪᑉᐱᒐᖓ ᐅᓪᓗᒥᒨᕆᐊᖅᓯᒪᔪᖅ ᐃᓅ`ᑐᑎ ᖃᒪᓂᑦᑐᐊᕐᒥ ᐃᓗᑐᓂᖅ ᓄᐊᑉᐸᓪᓕᐊᔪᑦ ᖃᓄᐃᓐᓂᖏᓐᓂ ᖃᐅᔨᓴᕐᓂᕐᒧᑦ ᐱᓕᕆᐊᔅᓴᖅ
ᑕᑯᓐᓇᒐᕆᔭᐅᔪᖅ
ᐃᓅ`ᑐᑎ ᐊᑐᕐᓂᐊᖅᑯᖅ ᑕᐃᒫᓪᓗᐊᖅ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ (IQ) ᐊᒻᒪᓗ ᖃᐅᔨᓴᕐᓂᓕᕆᓂᕐᒨᖓᔪᓂᑦ. ᐃᓄᐃᑦ ᖃᐅᔨᒪᔭᑐᖃᖏᑦ ᐱᒻᒪᕆᐅᖃᑕᐅᕗᖅ ᐊᒻᒪᓗ ᐱᖃᓯᐅᔾᔭᐅᓯᒪᔭᕆᐊᖃᖅᑐᓂ ᐱᖃᓯᐅᑎᓗᒍ ᖃᐅᔨᓴᕐᓂᓕᕆᓂᖅ ᐊᑐᐃᓐᓇᐅᑎᑦᑎᓗᑎ ᑐᑭᓯᒋᐊᕈᑎᔅᓴᓂᑦ ᖃᓄᐃᓕᕐᓂᖏᓐᓂᑦ ᑰᒃ ᑕᐃᑲᓂ ᖃᒪᓂᑦᑐᐊᖅ ᐃᓗᑐᓂᖓᓂ ᑕᒪᓐᓇ ᐊᑦᑕᓇᙱᑦᑐᒦᑎᓐᓇᓱᓪᓗᒍ ᖃᒪᓂᑦᑐᐊᖅ ᐃᓗᑎᓂᖓ.
ᓄᑖᑦ ᑐᑭᒋᐊᕈᑎᔅᓴᐃᑦ ᓄᐊᑕᐅᓂᐊᖅᑯᑦ ᑕᒪᐃᓐᓄᖓᒍᓐᓇᖅᑯᓪᓗᒍ ᐊᒻᒪᓗ ᐊᖏᓪᓕᕚᓪᓕᖁᓪᓗᒍ ᑐᑭᓯᒥᐅᒪᓂᐅᔪᖅ ᑕᒪᐃᓐᓄᓕᒫᖅ ᑰᖓᓄᑦ ᐊᒻᒪᓗ ᑕᒪᓐᓇ ᖃᓄᐃᓐᓂᐅᕙᓪᓕᐊᔪᖅ ᐱᓪᓗᒍ ᓯᓚᐅᑉ ᐊᓯᔾᔨᐸᓪᓕᐊᓂᖓ. ᑖᒃᑯᐊ ᖃᒪᓂᑦᑐᐊᕐᒥᐅᑦ ᐱᓕᕆᖃᑕᐅᒻᒪᕆᓐᓂᐊᖅᑯᑦ ᑐᑭᓯᒋᐊᕈᑎᔅᓴᓂᑦ ᓄᐊᒃᑎᓗᑎᑦ ᓄᓇᓕᐅᑉ-ᐃᓗᐊᓂ ᖃᐅᔨᓴᕐᓂᕐᒥᑦ ᑕᒪᓐᓇᓗ ᐊᑑᑎᖃᒻᒪᕆᓐᓂᐊᖅᑐᓂ ᐊᑯᓂᐅᔪᒃᑯᑦ ᐊᑐᒃᑲᓐᓂᕋᔅᓴᐅᔪᑦ ᐱᓕᕆᐊᔅᓴᐅᔪᒧᑦ.
ᓱᒻᒪᑦ ᐱᔭᕆᐊᖃᖅᑯᑕ ᖃᐅᔨᓴᕐᓂᕐᒧᑦ ᐱᓕᕆᐊᔅᓴᒥᑦ ᑕᐃᑲᓂ ᖃᒪᓂᑦᑐᐊᖅ ᐃᓗᑐᓂᖓᓄᑦ?
ᓱᒻᒪᑦ ᓄᓇᓕᒥᐅᑦ ᖃᒪᓂᑦᑐᐊᕐᒥ ᐱᓕᕆᖃᑕᐅᔭᕆᐊᖃᖅᑲ ᖃᐅᔨᓴᕐᓂᕐᒧᑦ ᐱᓕᕆᐊᔅᓴᐅᔪᒥᑦ?
ᓄᓇᓕᓐᓂ ᐃᓚᐅᖃᑕᐅᑎᑦᑎᓂᖅ ᑐᕌᖅᑎᑦᑎᓂᐊᖅᑯᖅ ᑖᓐᓇ ᐃᓅ`ᑐᑎ ᐱᓕᕆᓂᖃᕐᓗᓂ ᒪᓕᓪᓗᒋᑦ ᐱᔭᐅᔭᕆᐊᓖᑦ ᖃᒪᓂᑦᑐᐊᕐᒥᐅᓄᑦ ᐊᒻᒪᓗ ᐊᑐᓕᖅᑎᑕᐅᓗᑎᑦ ᖃᐅᔨᒪᓂᒻᒪᕆᒋᔭᖏᑦ. ᑖᒃᑯᐊ ᑲᑐᔾᔨᖃᑎᒌᖑᔪᑦ ᐊᒻᒪᓗ ᐃᓄᐃᑦ ᐊᑐᖅᐸᑦᑐᑦ, ᐊᐅᓚᑦᑎᓂᕐᒥᑦ ᖃᐅᔨᓴᐃᓂᕐᒥᓪᓗ ᐃᒪᖓᓂᑦ ᖃᒪᓂᑦᑐᐊᖅ ᐃᓗᑐᓂᖓᓂ ᐃᖅᑲᓇᐃᔭᖃᑎᒌᓐᓂᐊᖅᑯᑦ ᓄᐊᒃᑎᓗᑎᑦ ᑐᑭᓯᒋᐊᕈᑎᔅᓴᓂᑦ ᐱᔭᐅᔭᕆᐊᓕᓐᓂᑦ ᑐᑭᓯᐅᒪᒃᑲᓐᓂᕈᑎᔅᓴᓄᑦ ᑕᒪᒃᑯᓄᖓ ᐊᑦᑐᖅᑕᐅᓂᐅᔪᓄᑦ ᐱᕙᓪᓕᐊᓂᐅᔪᒧᑦ ᐊᒻᒪᓗ ᓯᓚᐅᑉ ᐊᓯᔾᔨᐸᓪᓕᐊᓂᖓᓂᑦ ᐊᕕᒃᑐᖅᓯᒪᕕᐅᑉ ᐃᒪᖏᓐᓂ.
ᖃᓄᖅ ᓄᓇᓕᒥᐅᑦ ᖃᒪᓂᑦᑐᐊᕐᒥ ᐱᓕᕆᖃᑕᐅᒍᓐᓇᖅᑲᑦ?
ᑖᒃᑯᐊ ᐃᓄᐃᑦ ᐊᒻᒪᓗ ᖃᒪᓂᑦᑐᐊᖅ ᓄᓇᓕᖓ ᐱᓕᕆᖃᑕᐅᓗᑎ ᖃᓄᐃᓕᐅᕆᐊᖃᕐᓂᕐᒥᑦ ᖃᐅᔨᓇᓱᓪᓗᑎ.
ᓄᓇᓕᐅᑉ ᐱᓕᕆᖃᑕᐅᓂᖓ ᐱᖃᓯᐅᔾᔨᑐᐃᓐᓇᕆᐊᖃᖅᑯᖅ ᐅᑯᓂᖓ:
- ᓄᓇᓕᓐᓂ ᑐᑭᓯᒋᐊᕈᑎᔅᓴᓂᑦ ᑐᖅᑯᖅᓱᐃᓂᖅ
- ᐱᕙᓪᓕᐊᔪᓕᕆᓂᖅ ᐊᒻᒪᓗ ᐊᐅᓚᑦᑎᓂᖅ ᓄᓇᓕᓐᓂ-ᐱᔭᐅᔪᓂᑦ ᖃᐅᔨᓴᕐᓂᕐᒧᑦ ᐋᖅᑭᒃᑕᐅᓯᒪᔪᓂᑦ (CBM) ᑕᒪᒃᑮᓐᓂ ᐃᓚᓕᐅᔾᔨᓂᐊᕐᓗᓂ ᖃᐅᔨᓴᕐᓂᓕᕆᓂᕐᒧᑦ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᑐᑭᓯᒋᐊᕈᑎᓂᑦ ᑐᖅᑯᖅᑕᐅᓯᒪᔪᑦ ᑕᕝᕙᙵᑦ ᓄᓇᓕᐅᑉ ᐃᓗᐊᓂ.
- ᐊᔭᐅᖅᑐᐃᓗᑎᑦ ᑲᑎᒪᔨᕋᓛᓂ ᐃᓚᐅᖃᑕᐅᒍᓐᓇᕐᓗᑎᑦ ᖃᐃᓕᖓᓂᖓᓄᑦ ᐊᒻᒪᓗ ᐱᕙᓪᓕᐊᓂᖓᓄᑦ ᐱᓕᕆᐊᔅᓴᐅᔫᑉ.
- ᐃᖅᑲᓇᐃᔭᖃᑎᖃᕐᓗᑎ ᐃᓱᒪᓕᐅᖅᑎᐅᔪᓂᑦ ᑐᑭᓕᐅᖅᑕᐅᑎᓪᓗᒋᑦ ᑐᑭᓯᒋᐊᕈᑎᑦ ᐊᒻᒪᓗ ᐊᑐᓕᖅᑎᑕᐅᓗᑎᑦ ᐃᓄᐃᑦ ᖃᐅᔨᒪᔭᑐᖃᖏᑦ ᑐᑭᓯᐅᒪᔭᐅᑦᑎᐊᖁᓪᓗᒍ ᐊᒻᒪᓗ ᐊᑐᖅᑕᐅᑦᑎᐊᕐᓗᑎᑦ ᑕᐃᑲᙵᑦ ᓄᓇᕗᒻᒥ ᐊᕙᑎᓕᕆᔨᒃᑯᑦ ᑲᑎᒪᔨᖏᓐᓂ, ᓄᓇᕗᒻᒥ ᐃᒪᕐᒧᑦ ᑲᑎᒪᔩᑦ, ᐃᒪᓕᕆᓂᕐᒧᑦ ᐊᐅᓚᑦᑎᔨᓄᑦ ᐊᒻᒪᓗ ᐊᓯᖏᓐᓄᑦ.
- ᐱᓕᕆᐊᔅᓴᐅᔫᑉ ᐱᕙᓪᓕᐊᓂᖓ – ᐱᖃᓯᐅᑎᓪᓗᒍ ᑕᐃᑯᖓ ᓄᓇᓕᓐᓂ-ᐱᔭᐅᔪᓂᑦ ᖃᐅᔨᓴᕐᓂᕐᒧᑦ, ᑖᓐᓇ ᐱᓕᕆᐊᔅᓴᐅᔪᖅ ᐱᖃᓯᐅᔾᔨᓂᐊᖅᑯᖅ ᑐᑭᓯᒋᐊᕈᑎᒃᑲᓂᕐᓂᑦ ᐊᓯᖏᓐᓂᑦ ᖃᐅᔨᓴᕐᓂᕐᒧᑦ ᐱᓕᕆᐊᖑᔪᓂᑦ ᓲᕐᓗ ᐅᔭᕋᓐᓂᐊᖅᑎᒃᑯᑦ ᑳᒻᐸᓂᖏᑦ, ᑭᕙᓪᓕᖅ ᐃᓄᐃᑦ ᑲᑐᔾᔨᖃᑎᒌᖏᑦ ᐊᒻᒪᓗ ᒐᕙᒪᑐᖃᒃᑯᑦ-ᓄᓇᖃᖅᑳᖅᓯᒪᔪᑦ ᐱᓕᕆᔨᖁᑎᖏᑦ ᐊᒻᒪᓗ ᐅᑭᐅᖅᑕᖅᑐᓕᕆᔩᑦ ᑲᓇᑕᒥ. ᓄᓇᓕᓐᓂ ᑐᓴᖅᑕᐅᓯᒪᔪᑦ ᐃᑲᔫᑎᖃᑐᐃᓐᓇᕆᐊᖃᖅᑯᑦ ᐊᔾᔨᒌᙱᑦᑐᓄᑦ ᐅᑯᐊ ᐱᖃᓯᐅᑎᓪᓗᒋ:
| ᖃᐅᔨᓴᕐᓂᕐᒧᑦ ᐊᑕᐊᒐᐃᑦ | ᐱᔭᐅᔪᒪᔪᑦ ᓄᓇᓕᓐᓂ ᑐᓴᕋᔅᓴᓂ |
|---|---|
| ᐋᖅᑭᒃᓱᐃᓗᑎ ᖃᐅᔨᓴᕐᓂᓕᕆᓂᕐᒧᑦ ᐊᒻᒪᓗ ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᖃᐅᔨᓴᕈᑎᔅᓴᓂᑦ | ᖃᐅᔨᔭᕐᓗᑎᑦ ᖃᓄᐃᓐᓂᖏᑕ ᐊᓯᔾᔨᐸᓪᓕᐊᓂᖏᓐᓂᑦ; ᐊᑐᓕᖁᔨᓗᑎᑦ ᑭᓱᒥ, ᓇᒥ, ᐊᒻᒪᓗ ᖃᖓᒃᑯᑦ ᖃᐅᔨᓴᕐᓂᕐᒥᑦ |
| ᑐᑭᓯᒋᐊᕈᑎᔅᓴᓂᑦ ᑐᖅᑯᖅᓱᐃᓂᖅ | ᑐᑭᓯᒋᐊᕈᑎᔅᓴᓂᑦ ᑐᖅᑯᖅᓱᐃᓗᑎ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ ᐊᒻᒪᓗ ᖃᐅᔨᓴᕐᓂᓕᕆᓂᕐᒧᑦ ᑐᑭᓯᒋᐊᕈᑎᓂᑦ |
| ᖃᐅᔨᓴᑦᑎᐊᕐᓗᑎᑦ ᑐᖅᑯᖅᑕᐅᓯᒪᔪᓂᑦ ᑐᑭᓯᒋᐊᕈᑎᓂᑦ ᐊᒻᒪᓗ ᑐᓐᓂᖁᑎᒋᓗᒋᑦ ᓴᖅᑭᖅᑕᐅᔪᑦ | ᓄᐊᑦᑎᕙᓪᓕᐊᓗᑎᑦ ᓄᓇᓕᓐᓂ ᑐᖅᑯᖅᑕᐅᓯᒪᔪᓂᑦ ᑐᑭᓯᒋᐊᕈᑎᓂᑦ, ᖃᐅᔨᒃᑲᐃᓗᑎᑦ ᓄᓇᓕᒥᐅᓂᑦ ᓴᖅᑭᖅᑕᐅᔪᓂᑦ |
| ᖃᐅᔨᓴᕐᓗᑎᑦ ᑐᖅᑯᖅᑕᐅᓯᒪᔪᓂᑦ ᑐᑭᓯᒋᐊᕈᑎᓂᑦ | ᓇᓗᓇᐃᖅᓯᓗᑎᑦ ᑕᐃᒫᐃᓪᓗᐊᕋᓗᐊᕐᒪᖔᖅ ᐊᒻᒪᓗ ᐊᑐᕋᔅᓴᐅᑦᑎᐊᕋᓗᐊᕐᒪᖔᑕ ᑕᒪᒃᑯᐊ ᓴᖅᑭᖅᑕᐅᔪᑦ |
| ᐋᖅᑭᒋᐊᕐᓗᒍ ᐊᒻᒪᓗ ᐱᐅᓯᑎᒋᐊᕐᓗᒍ | ᐊᑐᓕᖁᔨᓗᑎᑦ ᐱᐅᓯᕚᓪᓕᕈᑎᔅ_ᓴᑲᓐᓂᕐᓂᑦ ᐱᓕᕆᐊᔅᓴᐅᔪᒧᑦ |
- ᐅᓪᓗᖓᓂ ᐋᖅᑭᒋᐊᖅᑕᐅᔪᖅ: