Maligait uvalu Malikayaghait

Tuhaktitailitjutighait ukkua Kanatami Kavamatkut Hannaviit

Ukkua Kanatami Kavamatkut uvalu Nunavumi Hunanik Kimilgukinikut Parnaiyaiyut tunighihimayut hatkiktinahuaklutik kagiyauyakut aullatjutinik pitiakoivlutik hapuninga attokataktonik. Hamna tuhaktitailitjutighak nainaghimayok malikalugit atokataktaghaitnik ukkua kagitaoyanik atuligaingomik.

Tamaita hapkua illikuaktut tuhaktitjutit katighukhimayait ukkua hannayiuyut ataniktoktauyut uvanga Tuhaktitailitjutaitnik Maligak. Ima tukikaktok tuhaktitaoniaktutit kanok hamna illiknik tuhaktitjutittiit katighuktaoniakmangata kanoklu ilviit piyunaotighatik atogungnaktatit hamna tuhaktitjutitit takuyunaktattit.

Ilviit Tuhaktitailitjutittit uvalu una Kagitaoyakuktut

Hapkua aullatjutait Kagitaoyat imaitmata kagitaoyakuktonik katighoikatakmata kitonik tatvunga tikitviokangata, ilaliotivlugo uma kagitaoyamik atuktup naonaipkutanik nakingakhimayaghaitnik (IP). Hapkua IP napaitnik nakingakmangat una kagitaoyamik atoktok tuniyaohimayut Kagitaoyalikiyionunit (ISP) tamaitnun kagitaoyakaktut aullatjutighaitnik. Hapkua kagitaoyanik aullatjutit ingilgatjutaoyut kanok kagiyaoyamik atogumayunik. Una atuktup naonaipkuta IP, illikut, kinamik atoktumik naonaiyaotaongitok. Kihiani , naonaitiagomakpata, ikayoktigilugit ukkua Kagitaoyalikiyioyut ISP uktutigilugo, naonaiyaotaoyunaktut kinaongmangat una atuktok kagitaoyap aullatjutaitnik. Taimaitmat, ukkua Kanatami Kavamatkut ihomagiyat una IP naonaipkut illikut kinamik tuhaktitjutaoyok, illaliotihimakpat allanik kagitaoyakut katighokhimayonik una kagitaoyamik atuktok tugikhimakpat nalianik takuyumayaminik, ublualu ublukhiot humitmangat una kina kagitaoyakukhimakpat.

Kihiani pikuyaohimagumik, ukkua Nunavumi Hunanik Kimilgukinikut Parnaiyaiyut katighoikatangitot ilvit tuhaktitjutingnik, hapkuningavalak attiknik, hivayaotingnik uvalunin kagitaoyavit naonaipkutanik. Ukkua uvalu Nunavumi Hunanik Kimilgukinikut Parnaiyaiyut piyunaktut haffuminga tuhaktitjutimik kihiani ilvit tunihimagungni, uktutigilugo, kagitaoyakuknigovit uvalunin titigakhimanikovit. Taimaitpat, Kanok hamna ilvit tuhaktitjutittiit havagiyaoniakmangat titigaktaoniaktok tatvani Illikut Tuhaktitjutaitnik Katikhukhimayuni Titikami.

Imaitpata hapkau aullatjutit atoktaohimakpata kitoniit timioyonit ilataniit Kanatami Kavamatkut, hapkuningaktonit inulikiyioyot naonaipkutaitnit uvalunin hivayaotigalaniit, Hapkua IP naonaipkutit titigagungnaktait ukkua Kagitaoyalikiyiit allani havaktunin kagiyaoyanik.

Tuhaktitaikatigiknik pikatigilugit ukkua Kanatami Kavamatkut

Titikiniakuvigit ukkua Nunavumi Hunanik Kimilgukinikut Parnaiyaiyut kagitaoyakut, hamna ilviit tuhaktitjutit atogungnaktat Nunavumi Hunanik Kimilgukinikut Parnaiyaiyut kiotjutigilugit titikivigiyatit. Hamna tuhaktitjutigiyat takupkagungnaktat naliaknut kavamatkuni hannayiuyunut una apiikutigiyat tatvunga tugaghimanikat. Nunavumi Hunanik Kimilgukinikut Parnaiyaiyut tuhaktitaijuitut haffuminga ilvit naunaipkutingnik allanut kihiani hapkununga havaktigiyaitnun kanatami kavamatkuni kioyaoyangani titikitjutit. Hapkua tuhaktitjutaoniaknikata ilivit tuhaktitjutitit malikayagiakaktut haffuminga Tuhaktitailitjutaitnik Maligak.

Titikat kagitaoyakutut aliagutlu tuhaktitjutaovaktut hapkununga Kanatami Kavamatkut mihigimaitomik takuyaolaktut kihiani titigakhimakpat tatvani Kagitaoyakukutigiyakni. Taimaitmat, tatva pitkuyaongitugaluyutit ilvit illikut tuhaktitjutinik tuyuktailikataklutit, illikut naonaipkutinik uvlaunin innuvit naonaipkutanik hapkuna takuyaoyunaktunik kagiyaoyakut.

Hapumilugit Pitailitjutait hapkua Kanatami Kavamatkut Kagitaoyakukutait

Nunavumi Hunanik Kimilgukinikut Parnaiyaiyut kagitaoyalikiyiikaktut kimilgokataktunik kagitaoyakukataktot nakingakmangata iliituginahuaklugit hapkua pitailiyaoyunik alanguktiginahuaktut tuhaktitjutinik, uvalunin ihuinaknahuaktut aullatjutaitnik. Una kagitaoyamiitok tikitaoyangami titigakpaktok uma kagitaoyamik attuktup nakingakmangata IP, ubluanik uvalu ublukhiot humungnaktomi uvalu kanok kagitaoyakut kinnikhimayanik. Pinahuayoitugot illiituginahuaklugit kinaoyaghaita hapkua kagitaoyakukhimayut kihiani ihoinagahuaknikata kimilgoktaoniaktut.

Hamna tuhaktitjutauyok katighoktaovaktok maliguani 161 haffuma Maniliknikut Atanguyauyutlu Maligak Manilikinikut Atanguyauyutlu Maligangat. Una tuhaktitjut hatkitaoyungnaktok naliaknut palihimanut kingoihimanigomik kina ihoitomik kagitaoyakukhimayok. Hamna tuhaktitjut atoktaoyungnaktok kagitaoyakukutaita kanogitutoinaknik ihuakutaita naonaipkutaitnun.

Tughiktoinik hapkuninga ataniktutaitnik Tuhaktitailitjutaitnun Maligamik uvalu maliguakutighaitnik

Appikutikakniguvit, ukkautighakaknigovit ihoilutikaknigovitlunin hapkua atanniktutaitnik Tuhaktitailitjutaita Maliganik uvalu maliguakutaitnik pitjutigivlugit ukkua Nunavumi Hunanik Kimilgukinikut Parnaiyaiyut Kagitaoyakukutaitnik tuganginagiakaktatit tatvunga Kangunnaktulikinikut Havaktigiyaptinnut.

Kagitauyakut: teri.slaney@canada.ca
Hivayautikut: 867-975-4521


Titigakvigiluguluniit:
Teri Slaney
P.O. Box 2200
Iqaluit, Nunavut, X0A 0H0

Namagiginigungni ukkua Nunavumi Hunanik Kimilgukinikut Parnaiyaiyut kiotjutaat illikut tuhaktitjutivit ihomalutigiyaknik, hivayainagiakaktagaluit una Havakvia uma Kangunaktulikinikut Kamisina hivayaota una 1-800-282-1376.

Atoknik Hunanik Kagitaoyakut -Kanatami Kavamatkut Nanminigingitaitnik

Ihoaghivaligomavlugit hapkua kagitaoyakut aullatjutit (hapkua angmaktigotait makpigakakviit, piksat uvalu unipkaliokhimayut) hatitaoyungnaktut nakkinaklugit tatvunga kagitaoyakit aullatjutanut nalliakut allannit nakoatoktunnit kagitaoyalikiyonit. Hamna hatkitiginik hapkuninga ihuakutinik pihimayait una kina kagitaoyakuktok kayomiktomik ayoknaitomik atokatakovlugo kagitaoyakukutinik. Nanilikak atogiakakata, hapkua naonaitiaghimayut illikut tuhaktitjutit hapkuninga ihuakutauyunik ilaliutihimayut hapkunani Illikut Tuhaktitjutinik.

Titigakhimayunik Atugiakakningit hapkua Illiitagiyauhimayut Okaohioyut

Una Illiitagiyauhimayunik Okaohioyonik Maligak, una Illitagiyauhimayunik Okaohioyonik (Tuhaktitjutaoyonik uvalu ikkayutaoyunik Inuknun) Malgait uvalu Manilikinikut Katimayiit maligaitni ihuaghaktaohimayut ukkua Nunavumi Hunanik Kimilgukinikut Parnaiyaiyut atolikmata Kablunatut uvalu uuii uuiitut oktaohiitnik tuhaktitinahuakligamik inuknik. Tatva atugiakangitpanik nalliak ukkua illiitagiyaohimayuk okaohioyuk, kihiani ataohinak illitagiyaohimayuk okaohik atoinagiakaktok. Hapkua tuhaktitjutit hatkikhimayait kitut malikayagiakangitut haffuminga Illiitagiyauhimayunik Okaohioyonik Maligakmik atogungnaktait okaohigiyatik. Tuhaktitjutinik atoktut okaohikmik ahianik Kablunatut uvalunin Uuii uuiitut kihiani ihoakutaoyut tatvunga kagitaoyakut aullatjutaitnun kinniktunnut.

Attugahoakat Pigingitaitnik-Kanatami Kavamatkut Kagitaoyakukutaita

Kagitaoyakut aullatjutait pigingitaitnik kagitaoyakukutaita ukkua Kanatami Kavamatkut ihuakhaktaohimayut kagitaoyakuktut ihuakutighait. Ukkua kavamatkut munagingitait hapkua nalaomayaghaita, notanguyaghaita uvalunin ukpiknagiakhaita unipkagiyaoyut. Ukkua kavamatkut kanok ihomalutigingitait taimatut uvalu munagingitait hapkua tuhaktitjutaoyut hapkunani kagitaoyakut aullatjutaitni, uvalunin angikatigingitait hapkua aullatjutait uvalu takuyakhait.

Kagitaoyakuktut kaoyimayagiakaktut hapkua tuhaktitjutaoyut allanit ahiagnit Kanatami Kavamatkut kagitaoyakukutaita hapkua aullatjutait pitjutikangitut malikalugo una Tuhaktitjutaita Maligak, una Illiitagiyauhimayut Okaohiita Maligak tatva taima hatkitaoyungnangitok inuknun timiloktunut. Hapkua tuhaktitjutat hatkitaoyungnaktok atoktaoyuni okaohiitnik kihiani hatkitihimayut. Pitjutigilugit hapkua tuhaktitailitjutit, kittut kagitaoyakuktut naonaiyailgaklutik hapkuninga tuhaktitailitjutaita maligaitnik ahianin Kavamatkut kagitaoyaita aullatjutaita tunihitinatik illikut tuhaktitjutimingnik.

Nanminikaohiat uvalu Attuhiat Kagitaoyakut Aullatjutaitnik

Titikat uvani kagitaoyakut aullatjutani ihuaghaktaohimayut uvalunin katighuktaohimayut ukkunanga Nunavumi Hunanik Kimilgukinikut Parnaiyaiyut hatkitigiyomavlutik Kanatamiotanik tuhaktitjutikhaitnik hapkuninga havagiyaoyunik uvalu ikkayutaoyunik hatkikhimayaitnik ukkua Kanatami Kavamatkut. Ilviit attugungnaktatit uvalu ajikuhiokungnaktattit hapkua titikat ima malikalutit:

Manikhiokutaongitut Ajikuhioktaoyut

Kihiani pitailiyaongitkuvit ajikuhiokungnaktattit hapkua titikat iloingaklugit uvalunin ilainnanik manikhiokutigingitkuni kihiani, kanok ilingnik ihomaghutigilugu, akkilikughimaitomik uvalunin tughiotigiffakhimaitomik, kihiani malikayagiakaktotit hapkuninga:

  • Nakuatut atokiakaktut tatvalu nalaomatiagiakaktot titikat ajikuhioktaohimayut;
  • Naonaiyaklugit tainniita titikat ajikuhioktaohimayut, uvalu una unipkaliokhmayok (naonaikhimakpat); uvalu
  • Naonaiyaklugit una ajikuhioktaohimayok ajikohioktaohimangmiyat tatvanga hatkitaohimayomit [URL tatvani hivulikpanguyok titigak hatkiktaohimayok].

Maniliokutaoyut Ajikuhioktaohimayot

Kihiani okaotjaohimaguvit, ajikuhiolaitatit hapkua titikat uvani aullatjutaitni, iloingaklugit uvalunin ilanganik, maniliokutiginahuaklugit kihiani titikilgaklugit ukkua Kanatami Kavamatkut ajikuhioknikut havaktiat, Hannaviat uvalu Kavamatkut Ikkayokviat Kanatami (PWGSC). Tuhioktigiyungnaktatit ajikuhiotighanik Kanatami Kavamatkut titikanik uvani kagitaoyakut aullatjutaitni maniliokutikhanik tatvunga titigaklutit uvalunin titikikvigilugit ukkua:

Public Works and Government Services Canada
Publishing and Depository Services
350 Albert Street, 4th Floor
Ottawa, ON
Canada
K1A 0S5
copyright.droitdauteur@pwgsc.gc.ca

Ilanga haffuma kungiaktauyuo uvani kagitaoyap aullatjutani nanminigiyaoyuknakmat allaniit. Hamna tuhaktitjutauyok ihuakhaktaohimakpat uvalunin ajikuhioktaohimakmat munagingitait ukkua Kanatami Kavamatkut, hapkua titikat munagiyaoyut tatvani Ajikuhiuknikut Maligak, hilakjuami angikutaitnin. Naonaipkutait hapkua ajikuhioknikut takunaktut naliakni makpigakmi. Huli tuhagaghamik piffagomanigovit ihomalutigiyaknik ajikuhioknikut uvalu pitailitjutikut, titikinagialik tatvunga:

Nunavumi Hunanik Kimilgukinikut Parnaiyaiyut
Nunakakaktulikiyiit uvalu Ukkioktaktomi Pivalialikiyiit Kanatami
P.O. Box 2200
Iqaluit, Nunavut X0A 0H0
ngmp-psgn@canada.ca

Ajikuhioknik hapkua Kavamatkut Naonaipkutaitnik Tuhaktitjut

Hapkua illiitagiyaohimayut naonaipkutait ukkua Kanatami Kavamatkut, ilaliutivlugit ukkua Kanatami Tainiata Naunaipkutat , Naunaipkutat Kanatami, tatvalu talluata naonaipkutat ajikuhioktaolaitut, maniliokutaoluni uvalunin maniliokutaongitonilunin, titikakut tughiotaoyagingitpat. Tukhioktaoyungnaktok angiktaoloni tatvanga Manilikiyioyut Katimayiita Havaktiitnit titikilugit tatvunga:

Federal Identity Program
Treasury Board of Canada Secretariat
300 Laurier Avenue West
Ottawa, Canada K1A 0R5
information@fip-pcim.gc.ca

NGMP-kut Pitjutigingitait

Nunavumi Hunanik Kimilgukinikut Parnaiyaiyut (NGMP) pitjutigingitait hapkua monaginahuaklugit uvalunin ihuinakutaohimakpata, ihoiyaotaohimakpata uvalu/uvalunin kingoktaohimanikata uvani kagitaoyat aullatjutatni. Imaitkaloaktitlugit ukkua NGMP-kut havagitiaghugit nalaomatiagahuakhugit tamaita hapkuatuhaktitjutaoyut, kihianioyok tatva tammat pinnalaitut hapkua tuhaktitjutit nalaomainalaitkivlutik, illuitunginalimaitutik uvalunin notangulutiklunit.

Ilangit hapkua tuhaktitjutit uvani Kagitaoyakut makpigakmi hatkititaohimayut allaniit hilatanit. Ukkua Kanatami Kavamatkut munagingitait hapkua nalaomatjutait, ukpiknakningit uvalunin nutanguktikutaita tuhaktitjutaokataktut ahinningakhimayut hilataniit. Kagitaoyanik atoktut hapkuninga tuhaktitjutinik kioyaoyomanigomik okakatigiyagiakaktait hapkua nalliak atokvigiyomayattik. Kungiaktaoyut nakitlikak hilatanit maligakangitut hapkuninga illiitagiyauhimayonik okaohioyonik, tohaktitailitjutikangitot uvalu takkuyaopkaktailiyaongitut.

Nalliak ukkua NGMP-kut uvalunin katimayioyut, havaktigiyait uvalunin allat kivgaktoiyut akkiliktoiyungnangitut kanugiliyokalaknikat atoktaotilugo una kagitaoyakut aullatjutaoyok. Una tamatkiomavluni innitiaghimayok pitailitjutat akkiliakhanik tamaitnun kanogiliyokaghimanikat, ilaliotilugit (kiklikangitok ) akkiliktugaoyomayut, ahigoihimanikata, ahigoinahoangitkaloakhutik uvalunin ahigoivalaknikatalunin, tamainikata kagitaoyaniitonik, manighagiyaoyonik uvalunin manilioktaitnik, tammayaikutaonikata uvalu allannit akkiliktokuyaohimayonik.

Hilatanit kagiyaoyat ihuakutait tatvunga kagitaoyaita aullatjutaitnut ihuakutiginaktait hapkua tatvunga kinniktunot tatva taimatut monagingitait ukkua NGMP-kut. Ukkua NGMP-kut munagingitait hapkua nallaumayaghaita, notangugiakhaitalunin uvalu okpingnagiakhaita kungiaktauyut, uvalunin ukkua NGMP-kut angikatigihimangitait hapkua hillataningakhimayut uvalunin kungiangit.

Titikat uvalu kagitaoyakut takuyakhait ukkua NGMP-kut Timingat nanminigiyait ukkua NGMP-kut tatva taimatut ajikuhioyaolaitut kihiani tiktikilgaklugit tughiotigilugit tatvunga NGMP-kunit. Tughiotiginiaknigungni ajikuhiokumalugit hapkua takuyaghat, tughiotigiyagiakaktat tatvunga NGMP-kut Timingatnun (ngmp-psgn@canada.ca).

Titikat unipkangit ahiningakhimayut nanminigiyait hapkua unipkaliokhimayut tatva taima ajikuhioktaolaitut kihiani tikikiyaolgaktinagit ukkua unipkaliokhimayut. Ukkua NGMP-kut Timingat (ngmp-psgn@canada.ca) hatkiktiyungnaktut kanok tughiktutikhaitnik tuhaktitjutikhaitnk ukkua unipkaliokhimayut titikanik unipkaliokhimayunik tatvani kagitaoyakukhimayuni.

Ilangit hapkua titikat uvalu titigaoyakhimayut tatvani kagiyaoyakut aullatjutaitni nanminigiyaoyut allaniit timioyunit. Taimaitpata, pitailiyaoyungnaktait ajikuhioklugit hapkut titikat uvalunin titigaoyakhimayut tokhiktutigiyagiakagungnakhiyut tatvanga nanminikaktomit ajikuhiokumayaonikata hapkua titikat.

Date modified: